Enn berast vísbendingar til lögreglu vegna leitarinnar að Herði Björnssyni sem saknað hefur verið í rúmar tvær vikur. Kannar hún vísbendingarnar í samvinnu við lögreglu en enn sem komið er hefur leit ekki borið árangur.
Hörður sást síðast á Laugarásvegi í Reykjavík um fjögurleytið aðfaranótt miðvikudagsins 14. október sl. og var hann berfættur.
Ágúst Svansson, aðalvarðstjóri hjá lögreglunni á höfuðborgarsvæðinu, segir greinilegt að fólk sé meðvitað um hvarf Harðar. Leit verður haldið áfram en hún verður þó ekki umfangsmikil nema haldgóðar vísbendingar liggi fyrir.
Hörður er 188 cm á hæð, grannur, ljóshærður og með rautt skegg. Síðast er vitað um ferðir hans á Laugarásvegi í Reykjavík um kl. 04.00 þann 14. október sl. Hörður er ekki talinn hættulegur, segir í tilkynningu sem send var út á laugardagsmorgun vegna leitarinnar.
Allir þeir sem hafa einhverjar upplýsingar um hvar Hörður getur haldið sig eru beðnir um að hafa samband við lögregluna á höfuðborgarsvæðinu í síma 444 1000 eða senda skilaboð á Facebook-síðu lögreglunnar á höfuðborgarsvæðinu.