Ákvörðun um bæjarskrifstofur í vikunni

Ármann Kr. Ólafsson, bæjarstjóri Kópavogs.
Ármann Kr. Ólafsson, bæjarstjóri Kópavogs. mbl.is/Sigurður Bogi Sævarsson

Niðurstöður um framtíðaráform Kópavogsbæjar með bæjarskrifstofur gætu legið fyrir í vikunni, en Ármann Kr. Ólafsson, bæjarstjóri Kópavogs, segir lítið því til fyrirstöðu ef ekkert komi upp á sem dragi ákvörðunarferlið. Í heildina eru þrjár grunnhugmyndir í gangi; hvort ráðast eigi í miklar endurbætur á núverandi húsnæði og vera þar áfram, kaupa húsnæði sem er hentugt eða að láta byggja nýtt húsnæði.

Málið hefur verið talsvert í umræðunni og eru bæjarfulltrúar ekki á einu máli með hver sé skynsamlegasta niðurstaðan. Meðal annars var horft til þess að taka ákvörðun í fyrra um að flytja skrifstofurnar í Norðurturninn, en sex bæjarfulltrúar af ellefu kusu um að fresta ákvörðuninni. Höfðu bæjarfulltrúar meðal annars haft mismunandi skoðanir um aukna skuldsetningu bæjarins vegna málsins.

Kostar 600 milljónir að fara í endurbætur

Þær leiðir sem nú liggja fyrir og þarf að taka ákvörðun um eru hvort bærinn ætli að vera áfram í á sama stað, en Ármann segir að það liggi fyrir að það muni kosta allavega 300 milljónir að fara í endurnýjun á efstu hæð á núverandi fasteign í Fannborg 2-6 við miðbæinn í Hamraborg. Viðhald á þeirri hæð er mest aðkallandi, en meðal annars hafa komið fram rakaskemmdir og sveppur og þá þarf að ráðast í talsverðar umbætur á þaki hússins.

Einnig er kominn tími á endurbætur á næst efstu hæð hússins og víðar í húsinu og segir Ármann að heildarupphæð þess verkefnis yrði aðrar 300 milljónir. Heildarkostnaður við endurbætur núverandi bæjarskrifstofu liggur því í kringum 600 milljónir í heildina.

Kaup á húsnæði í Turninum eða Norðurturni

Næsta leið er að selja núverandi húsnæði og kaupa annað húsnæði sem Ármann segir að gæti verið talsvert hagstæðara fyrir bæinn. Bendir hann á að á núverandi stað séu skrifstofurnar á 4.700 fermetrum á 8 hæðum í þremur húsum. Með því að skipta í hentugra húsnæði segir hann að hægt væri að fara niður í 3.200-3.500 fermetra.

Þær hugmyndir sem er hvað helst horft til varðandi að ...
Þær hugmyndir sem er hvað helst horft til varðandi að flytja skrifstofurnar er í Norðurturninn eða Turninn. mbl.is/Þórður Arnar Þórðarson

Þær tvær hugmyndir sem hafa komið fram um flutning eru að færa skrifstofurnar í Turninn, þar sem Deloitte er nú til húsa eða í Norðurturninn. Segir Ármann að ef ákveðið væri að fara í Deloitte-turninn þyrfti að ráðast í viðbyggingu við hann og áætlaður flutningur væri á um 18 mánuðum. Varðandi Norðurturninn væri horft til þess að klára flutning á 6-8 mánuðum.

Nýbygging við Molann

Þriðja leiðin sem komið hefur upp er svo að byggja nýtt húsnæði undir skrifstofurnar. Hefur meðal annars verið skoðaður möguleiki á að byggja við Molann.

Tvö tilboð borist upp á 700 milljónir

Ármann segist sjálfur vilja kaupa nýtt húsnæði fyrir bæjarskrifstofurnar. Aðspurður hvers vegna hinar leiðirnar hugnist honum ekki segir hann að miðað við útreikninga Mannvits, þar sem kostnaður hverrar leiðar var uppreiknaður til 25 ára, hafi niðurstaðan verið sú að það kostaði um 120-150 milljónum meira að vera á núverandi stað en að flytja. Til viðbótar hafi þó verið miðað við lægra verð en borist hefur í núverandi húsnæði, en tvö tilboð hafa borist upp á um 700 milljónir. Annað þeirra var frá Kvikmyndaskóla Íslands en hitt kom í gegnum fasteignasölu.

Bæjarskrifstofur Kópavogs eru í Fannborg 2-6 í dag, en þær ...
Bæjarskrifstofur Kópavogs eru í Fannborg 2-6 í dag, en þær eru við miðbæjarkjarnann í Hamraborg. mbl.is/Ómar Óskarsson

Þá segir hann hugmyndina um uppbyggingu nýs húss ekki hljóma vel í sínum eyrum. Bæði væri um að ræða nokkurra ára verkefni auk þess sem fjárhagsleg áhætta félli á bæinn vegna verkefnisins. Bendir hann á að mikill meirihluti opinberra verkefna eigi það til að fara fram úr áætlun. Tíminn sem það taki að byggja nýtt hús kalli einnig á að farið verði í endurbætur í Fannborg og niðurstaðan af því verði dýr.

„Við erum að nálgast lokapunkt

„Við erum að nálgast lokapunkt í þessu,“ segir Ármann, aðspurður hvenær niðurstöðu sé að vænta. Segir hann að fjölmörg tilboð hafi borist í núverandi húsnæði, en að tvö þeirra standi upp úr upp á um 700 milljónir. „Ég vonast til að ákvörðun í þessum málum liggi fyrir í næstu viku,“ segir hann og bætir við að það ætti að vera líklegt ef málið fari ekki að þvælast fyrir bæjarfulltrúum.

Kópavogshælið gæti orðið móttökuhús

Til viðbótar við allar hugmyndir um flutning, kaup eða nýbyggingar er svo til skoðunar hvað hægt sé að gera við gamla Kópavogshælið. Er meðal annars horft til þess að nýta húsið sem móttökuhús fyrir bæinn og fundarstað fyrir bæjarstjórnarfundi.

Var húsið í niðurníðslu fyrir nokkrum árum þegar bærinn tók ákvörðun um endurbætur á því. Ármann segir að um 20 milljónir hafi verið settar í verkefnið síðustu ár og nú sé talið að um 100 milljónir þurfi til að klára verkið.

Húsnæði gamla Kópavogshælis hefur lengi staðið ónotað.
Húsnæði gamla Kópavogshælis hefur lengi staðið ónotað. mbl.is/Golli

Eina húsið í Kópavogi eftir Guðjón Samúelsson

Ármann segir að á sínum tíma hafi húsið verið í svo slæmu ásigkomulagi að annaðhvort átti að eyðileggja það eða fara í miklar endurbætur. Í ljósi sögu hússins hafi verið ákveðið að endurbyggja það. Er húsið meðal annars það eina eftir Guðjón Samúelsson arkitekt í Kópavogi. Þá segir Ármann að saga hússins sé merkileg. Þar hafi verið holdsveikraspítali og berklahæli, en það voru Hringskonur sem létu byggja húsið á sínum tíma.

Segir Ármann að verði bæjarstjórnarfundir fluttir í húsið væri það til að gera húsinu hátt undir höfði. Er það um 500 fermetrar að stærð og segir hann að ekki væri gert ráð fyrir að vera með aðra starfsemi bæjarins þar. Ákvörðun um þetta hefur þó ekki verið tekin, en á fundi bæjarstjórnar í síðustu viku var kostnaðaráætlun vegna málsins lögð fyrir. Sem fyrr segir hljóðaði hún upp á um 100 milljónir.

mbl.is

Innlent »

Slökkvistarfi lokið í Hafnarfirði

21:55 Slökkvistarfi á svæði málmendurvinnslustöðvarinnar Furu við Hringhellu í Hafnarfirði er nú lokið samkvæmt upplýsingum frá slökkviliði höfuðborgarsvæðisins. Fimm menn voru þar að störfum ásamt einum dælubíl frá því rétt fyrir klukkan sex í dag. Meira »

Mikil tækifæri leynast í fluginu

21:25 Áttatíu ár voru liðin á fimmtudaginn frá því að Flugmálafélag Íslands var stofnað, en innan vébanda þess starfa nær öll félög, samtök og hópar sem tengjast flugstarfsemi og flugíþróttum á Íslandi í dag. Meira »

Bannar flutning á laginu sínu

21:20 Gunnar Þórðarson, tónlistarmaður og tónskáld, hefur óskað eftir því við bæjaryfirvöld Reykjanesbæjar að lag hans, „Gamli bærinn minn“, verði ekki flutt við flugeldasýningu á laugardagskvöldi Ljósanætur líkt og venja hefur verið fyrir undanfarin ár. Meira »

Þjóðveginum lokað vegna eldflaugar

21:00 Eldflaug og sprengjukúla fundust skammt frá Bláfjallaafleggjaranum hjá Sandskeiði síðdegis í dag. Séraðgerða- og sprengjueyðingarsveit Landhelgisgæslunnar fór þegar á staðinn og við nánari skoðun kom í ljós að um var að ræða annars vegar eldflaug (e. Bazooka) og hins vegar sprengjukúlu. Meira »

Einn heppinn vann rúma hálfa milljón

20:15 Fyrsti vinningur í lottóinu í kvöld gekk ekki út en hann hljóðaði upp á 23.045.660 krónur. Einn miðahafi var þó með fjórar réttar tölur auk bónustölunnar og fær hann 685.940 krónur í sinn hlut. Meira »

Komust á rafmagninu einu

20:00 Rafbíll þeirra Jóns Jóhanns Jóhannssonar og Jónasar Guðmundssonar renndi í hlað á Ísafirði um klukkan hálfeitt í dag, rúmum 27 klukkustundum eftir að þeir lögðu af stað frá Reykjavík. Jónas segir ferðina hafa gengið vel en tilgangur hennar er meðal annars að sýna þörfina á fleiri hleðslustöðvum. Meira »

Dey frekar en að standa mig ekki

18:30 „Ég elska bækur og ég skrifa um það sem brennur á mér að upplýsa og gera heiminn betri. Það kemur ekki til mála að lyppast niður,“ segir Þórunn Jarla Valdimarsdóttir rithöfundur, sem fagnar því að þrjátíu ár eru síðan hún sendi frá sér fyrstu bók sína. Hún segist núorðið þola illsku heimsins betur. Meira »

Viðbúnaður vegna „steggs“ á sundi

19:38 Slökkviliðinu á höfuðborgarsvæðinu barst tilkynning um „stegg“ á sundi yfir Nauthólsvík í dag, en talsverður viðbúnaður var á svæðinu vegna málsins. RÚV greindi fyrst frá málinu. Meira »

Bruni við Hringhellu í Hafnarfirði

17:39 Eldur er kominn upp við Hringhellu í Hafnarfirði, samkvæmt upplýsingum frá Neyðarlínunni.   Meira »

Útimarkaður að frumkvæði íbúa

17:26 Árlegur útimarkaður Íbúasamtaka Laugardals (ÍL) var haldinn í 14. skipti í dag á milli klukkan 11 og 16. Markaðurinn var þetta árið staðsettur á bílastæðum Menntaskólans við Sund. Meira »

Þorsteinn hverfur af Alþingi

16:43 Þorsteinn Sæmundsson, þingmaður Framsóknarflokksins, verður ekki á lista flokksins í komandi kosningum. Þetta varð ljóst um leið og úrslit lágu fyrir á tvöföldu kjördæmaþingi framsóknarmanna í Reykjavík fyrr í dag. Í samtali við mbl.is segist Þorsteinn hafa vitað fyrir fram að mjótt yrði á munum. Meira »

Líf og fjör í túninu heima myndasyrpa

16:37 Mikið líf og fjör er í Mosfellsbæ um helgina þar sem bæjarhátíðin Í túninu heima fer fram. Fjölmargir viðburðir eru á dagskrá og ættu allir að geta fundið eitthvað við sitt hæfi. Meira »

Efstu sæti Framsóknar í Reykjavík ljós

16:02 Niðurstöður kosninga á tvöföldu kjördæmaþingi Framsóknarflokksins fyrir komandi alþingiskosningar í Reykjavík eru nú ljósar. Karl Garðarsson leiðir lista flokksins í Reykja­vík­ur­kjör­dæmi norður og Lilja Dögg Al­freðsdótt­ir í suður. Meira »

„Virkjanasprengja á Íslandi“

14:35 Stjórn Íslandshreyfingarinnar gerir alvarlegar athugasemdir varðandi virkjanir sem verkefnisstjórn 3. áfanga rammaáætlunar setur í orkunýtingarflokk. Meira »

Lilja og Karl leiða í Reykjavík

13:48 Karl Garðarsson leiðir lista Framsóknarflokksins í Reykjavíkurkjördæmi norður og Lilja Dögg Alfreðsdóttir í suður. Atkvæðagreiðsla stendur nú yfir um lista flokksins í höfuðborginni á tvöföldu kjördæmaþingi. Meira »

Lykilspurningum aldrei svarað

15:07 Fyrrverandi forsætisráðherra svaraði aldrei lykilspurningum sem lúta að félaginu Wintris Inc. þrátt fyrir að hann hefði ítrekað verið spurður ítarlegra spurninga. Í yfirlýsingu frá aðstandendum Kastljósumfjöllunarinnar um málið segir að orð eiginkonu hans í Morgunblaðinu í dag um annað séu því röng. Meira »

Bilun veldur hægagangi í póstþjónustu

14:29 Notendur póstþjónustu Vodafone hafa orðið þess varir að heldur seinlega gengur að ná í póstinn síðustu daga. Samkvæmt svörum Vodafone við fyrirspurn mbl.is má rekja hægaganginn til bilunar í vélbúnaði en unnið er að því að komast fyrir bilunina í samvinnu við þjónustuaðila. Meira »

Staðreyndirnar virtust litlu skipta

12:36 Þegar Anna Sigurlaug Pálsdóttir stóð á þrítugu eignaðist hún mikla fjármuni í tengslum við sölu Toyotaumboðsins. Þá grunaði hana ekki að áratug síðar yrðu ákvarðanir sem lutu að utanumhaldi eignanna að deilu sem myndi vekja heimsathygli og leiða til þess að maður hennar vék úr stóli forsætisráðherra. Meira »
NP Þjónusta
NP Þjónusta Tek að mér bókhald, endurútreikning og vsk. Hafið samband í síma: 86...
Útgerðarfyrirtæki til sölu: tæplega 6 b
Útgerðarfyrirtæki til sölu: tæplega 6 brúttótonna bátur, aflahlutdeild í þorski,...
Mercedes Benz GLK 4MATIC AMG 2015
Mercedes Benz GLK 220 CDI 4MATIC 2015, ekinn 35.000. Eintak sem er óvenju vel b...
Shetland Sheepdog
Sheltie hvolpar til sölu tilbúnir til afhendingar heilsufarsk & ættbókaf. uppl 8...
 
Félagsstarf
Staður og stund
Árskógar 4 Smíðar og útskurður með leiðb...
Félagsstarf
Staður og stund
Árskógar 4 Smíðar og útskurður með leiðb...
Framhald
Nauðungarsala
Uppboð Einnig birt á www.naudungarsolu...
Félagsstarf
Staður og stund
Árskógar 4 Smíðar/útskurður m/ leiðb. kl...