Vill opna nefndafundi

„Borgarfulltrúar eiga ekki að óttast aukið lýðræði og gagnsæi,“ segir Júlíus Vífill Ingvarsson, borgarfulltrúi Sjálfstæðisflokksins, en á borgarstjórnarfundi í gær lagði hann fram tillögu um að opna fyrir almenningi fundi nefnda og ráða borgarinnar.

„Ég vil gera borgarbúum kleift að koma inn á fundi óski þeir þess. Jafnframt að send verði út upptaka af fundum ráða og nefnda.“

Vel var tekið í tillöguna og henni vísað til borgarráðs til frekari umfjöllunar. Ekki var tekið jafnvel í tillögu Júlíusar um viðræður við ríkið um að setja hluta Sæbrautar í stokk, að því er fram kemur í Morgunblaðinu í dag.