Eins og mbl.is greindi frá í gær var Arndís Anna Kristínardóttir Gunnarsdóttir þingmaður Pírata handtekin síðasta föstudag á skemmtistaðnum Kíkí queer bar.

Frétt af mbl.is

Þingmaður Pírata var handtekinn

„Ég get ekki á þessu stigi nefnt nein dæmi þess að þingmaður hafi verið handtekinn enda þyrfti það mál eitt og sér ekki að berast inn á borð þingsins,“ segir Ragna í skriflegu svari til Morgunblaðsins.

„Stjórnarskráin veitir ekki þingmanni friðhelgi fyrir handtöku eða öðrum rannsóknaraðgerðum lögreglu. Ekki er um neitt verklag að ræða hjá Alþingi ef um er að ræða slíkar aðgerðir,“ segir Ragna.

Friðhelgi alþingismanna

Tekur Ragna einnig fram að mælt sé fyrir um friðhelgi alþingismanna í stjórnarskránni. Þegar Alþingi er að störfum má ekki setja alþingismann í gæsluvarðhald eða höfða mál á hendur honum án samþykkis þingsins nema hann sé staðinn að glæp.

Ekki náðist í eigendur Kíkí í gær þrátt fyrir ítrekaðar tilraunir. Sigríður Björk Guðjónsdóttir ríkislögreglustjóri vísaði á Höllu Bergþóru Björnsdóttur lögreglustjóra á höfuðborgarsvæðinu en ekki náðist í hana. Fjalar Sigurðarson upplýsingafulltrúi dómsmálaráðuneytisins sagði í samtali við Morgunblaðið að ráðuneytið hefði ekki afskipti af málum sem væru í rannsókn eða til meðferðar hjá lögreglu.

Tengdar fréttir

Þingmaður handtekinn

Björn tjáir sig ekki frekar

• „Ég var dónaleg og streittist á móti“
• Lögregla hefur engu við frásögn Arndísar að bæta
• „Ég var ekki að gera neitt sem fólki kemur við“
• Nefndin tekur málið ekki fyrir að eigin frumkvæði

» Fleiri tengdar fréttir