Björn tjáir sig ekki frekar
Setja bókamerki
Björn Leví Gunnarsson, varaþingflokksformaður Pírata, hyggst ekki ræða handtöku Arndísar Önnu K. Gunnarsdóttur, þingkonu flokksins, við mbl.is.
Þá hefur Þórhildur Sunna Ævarsdóttir þingflokksformaður ekki svarað.
Eins og greint var frá um helgina var Arndís Anna handtekin á skemmtistaðnum Kíkí aðfaranótt laugardags. Í samtali við mbl.is á sunnudaginn sagði þingkonan ástæðu handtökunnar vera sú að hún hefði verið of lengi á salerni skemmtistaðarins.
„Dyraverðir óskuðu eftir aðstoð. Dyraverðir voru búnir að snúa mig niður vegna þess að það átti að henda mér út fyrir að hafa verið of lengi á salerninu, það er bara svoleiðis,“ sagði hún.“
Viðbrögð dyravarða mjög hörð
Í samtali við Vísi á mánudaginn sagði Björn Leví viðbrögð dyravarða hafa verið mjög hörð. Málið hafi verið rætt innan þingflokksins og telur hann að það muni ekki hafa afleiðingar.
Í yfirlýsingu sem Arndís Anna sendi á fjölmiðla síðar á mánudag sagði hún hegðun sína ekki hafa verið sér til sóma. Hún hafi verið búin að drekka of mikið og brást illa við þegar dyraverðir höfðu af henni afskipti.
„Ég var búin að drekka of mikið og brást illa við þegar dyraverðir opnuðu hurðina á klósettinu, ég var dónaleg og streittist á móti. Óháð öllu öðru, var hegðun mín ekki til fyrirmyndar. Ég hef beðið hlutaðeigandi afsökunar á framkomu minni.“
Þegar mbl.is leitaði viðbragða hjá Birni Leví í kjölfar yfirlýsingarinnar, til að spyrja hvort hann drægi gagnrýni sína á dyraverði skemmtistaðarins til baka, kvaðst hann ekki vilja tjá sig.
/frimg/1/49/13/1491380.jpg)
Skert athygli meginorsök banaslyssins
Ákall eftir forseta án tengsla við valdöfl og fjármálakerfi
Starfsmaður SÍ grunaður um fjárdrátt
Komu á stórum gaffallyftara
Viltu verða milljónamæringur um sextugt?
Telur kappræður hafa skipt sköpum fyrir fylgið
Vilja selja fyrir tæpa 13 milljarða í Íslandshótelum