Forsætisráðherra Frakklands, Manuel Valls, segir að ekki verði samið við hryðjuverkasamtökin sem rændu frönskum ferðamanni í Alsír. Valls segir að Frakkar muni áfram taka þátt í loftárásum á öfgahreyfingu Ríki íslams.

Í viðtali við Valls í franska útvarpinu í morgun kom fram að það verði aldrei samið við hryðjuverkamenn og mannræningja. „En að sjálfsögðu erum við afar áhyggjufull eftir að það fékkst staðfest að myndskeiðið er ófalsað.“

Vísar Valls þar til myndskeiðs sem systursamtök Ríki íslam, Jund al-Khilifa, í Alsír sendu frá sér í gær en þar hóta samtökin því að taka franskan ferðamann, Hervé Pierre Gourdel af lífi innan sólarhrings hætti Frakkar eki loftárásum gegn Ríki íslam í Írak. 

„Ef við gefum eftir, jafnvel aðeins þumlung, þá færum við þeim sigur,“sagði Valls í viðtali við Europe 1.

Á föstudag gerði franski herinn sínar fyrstu loftárásir á Írak en hefur ekki tekið þátt í aðgerðum Bandaríkjahers á Sýrland í nótt. 

Manuel Valls AFP

Tengdar fréttir

Sýrland

Forsetafrú með hvítblæði

• Helsti ráðgjafi Hisbollah sá sem ráðinn var af dögum
• Fórnarlömb mannskæðrar árásar jörðuð
• Olíuflutningaskipið sagt mjög laskað
• Vill réttarhöld yfir Assad

» Fleiri tengdar fréttir

Írak

Ráðist á bandaríska herstöð í Írak

• Bandaríkin hæfðu höfuðstöðvar Hisbollah
• Tuttugu ár frá umdeildri innrás í Írak
• Í heimsókn 20 árum eftir innrásina
• 23 skotnir til bana í Írak

» Fleiri tengdar fréttir

• Blogga um frétt