Jón kjörinn í stjórn N1

Jón Sig­urðsson, einn eig­enda fjár­mála­fyr­ir­tæk­is­ins GAMMA og fyrr­um for­stjóri FL Group, var í dag kjörinn í stjórn eldsneytisfélagsins N1. Þetta kemur fram í niðurstöðum hluthafafundar félagsins sem fram fór síðdegis í dag.

Á fundinum var einnig tilkynnt að félaginu hefði borist úrsögn Herdísar Drafnar Fjeldsted og Kristjáns Ágústsonar úr varastjórn félagsins. Þá var tillaga um breytingar á samþykktum sem mælir fyrir um brottfall ákvæðis um varamenn í stjórn félagsins samþykkt.

Jón Sigurðsson bauð sig nú fram í stjórn félagsins í annað sinn, en hann gerði það einnig fyrr á þessu ári, fyr­ir aðal­fund fé­lags­ins, eins og fram kom í frétt mbl.is. Þá dró hann fram­boð sitt hins veg­ar til baka. Hann sagði ástæðuna vera þá að Kaup­höll­in hafi til­kynnt fé­lag­inu að hún hefði efa­semd­ir um hæfi Jóns til að gegna stjórn­ar­störf­um í skráðu fé­lagi.

Helga Björk Eiríksdóttir gaf einnig kost á sér í stjórnina.

Fréttir mbl.is:

Jón vill aftur í stjórn N1

Jón Dró framboð sitt til baka

Niðurstöður hluthafafundar N1

• Blogga um frétt