Alþjóðlega matsfyrirtækið Moody's hefur breytt horfum vegna lánshæfis Bretlands í neikvæðar í kjölfar þjóðaratkvæðagreiðslunnar í gær þar sem breskir kjósendur ákváðu að segja skilið við Evrópusambandið. Fréttaveitan AFP greinir frá þessu.
Fram kemur í rökstuðningi Moody's að úrsögn úr Evrópusambandinu myndi skaða breskt efnahagslíf. Lánshæfiseinkunn Bretlands var hins vegar ekki lækkuð og er hún því áfram Aa1. Moody's telur að hægja muni á hagvexti og rekstur hins opinbera verða veikari.