Björg Bergsveinsdóttir og Eggert Þór Dagbjartsson búa vel í Boston. Íslenska arkitektastofan Atelier hannaði innviði hússins sem stendur á besta stað í stórborginni. Húsið var endurhannað að utan og innan og vantar ekkert upp á smekklegheit eða nútímaþægindi. Mikið er lagt í innréttingar, lýsingu og er ákaflega vandað til verks. HÉR er hægt að skoða myndir af húsinu.
Þegar hjónin eru á Íslandi búa þau í Skuggahverfinu í íbúð sem rataði í fréttir í fyrra. Það var einmitt sama arkitektastofa sem hannaði þá íbúð.
Smartland Mörtu Maríu sagði frá íbúðinni þegar hún birtist á forsíðu Húsa og Híbýla síðasta sumar. Björk er skráður eigandi íbúðarinnar sem er 312 fm að stærð. Hún festi kaup á íbúðinni 2013 en fasteignamat hennar eru rúmar 172 milljónir. Annars eins íburður hefur varla sést en í íbúðinni er stigi í anda Coco Chanel með speglum og öllu. Húsgögnin koma frá frægum hönnuðum eins og Ralph Lauren. Allar innréttingar voru sérsmíðaðar á Íslandi. HÉR er hægt að skoða myndir af íbúðinni.
Eggert Þór Dagbjartsson komst í fréttir á Íslandi síðasta sumar þegar fréttir bárust að hann ætti hlut í félagi sem væri að fjárfesta í Merriot hótelinu sem verið er að byggja á Hörpu reitnum.