Sagði við forsætisráðherra að við þyrftum svona völl
Setja bókamerki
Jóhann Berg Guðmundsson, varafyrirliði íslenska karlalandsliðsins í knattspyrnu, lætur vel af þjóðarleikvangi Lúxemborgar, sem liðið leikur á í undankeppni EM 2024 og segir Ísland þurfa sambærilegan völl.
„Já, algjörlega. Katrín Jakobsdóttir [forsætisráðherra] mætti í morgunmat til okkar í morgun og ég sagði henni að við þyrftum að fá eitt stykki svona völl en það er kannski aðeins flóknara en að segja það,“ sagði Jóhann á blaðamannafundi á leikvanginum í Lúxemborg í dag.
Þar var hann spurður hvort hann vildi ekki að Ísland eignaðist keimlíkan völl.
Þjóðarleikvangur Lúxemborgar sem var tekinn í notkun fyrir tveimur árum er allur hinn glæsilegasti, með yfirbyggðri stúku allt í kring sem tekur tæplega 10.000 áhorfendur.
„Þegar við komum inn á völlinn sáum við að þetta er frábær völlur og akkúrat það sem Ísland þarf. Við þurfum klárlega að hafa einn völl þar sem við getum spilað þessa nóvember- og marsleiki.
Ég tala nú ekki um núna þegar liðin okkar eru að komast inn í Evrópukeppni. Þá þurfum við einn völl. Það er mjög lélegt að við eigum ekki þannig völl.
Þetta er búið að vera í einhverjum nefndum í einhver tíu ár núna. Það er spurning hvort við þurfum ekki að gera eitthvað meira en að spekúlera í þessu,“ bætti hann við.
Húsnæðisstuðningur framlengdur til áramóta
Kostnaðurinn nemur allt að þremur milljörðum
Tímaspursmál hvenær framleiðslu verði hætt
„Trúlega rákumst við saman“
Vantar fólk: „Þetta er gaman en það er ekki nóg“
Fannari líst ágætlega á aðgerðirnar
Braut gegn konum í Eyjum
Mennirnir í haldi lögreglunnar á Suðurnesjum