Enn eitt áfallið fyrir íslenska liðið
Setja bókamerki
Ýmir Örn Gíslason leikur ekki með íslenska karlalandsliðinu í handknattleik á morgun þegar liðið mætir Austurríki í milliriðli 1 á Evrópumótinu í Lanxess-höllinni í Köln.
Varnarmaðurinn fékk að líta rauða spjaldið í sigrinum gegn Króatíu í gær og var í dag úrskurðaður í eins leiks bann af evrópska handknattleikssambandinu.
Liðið verður án Gísla Þorgeirs Kristjánssonar á morgun eftir að hann meiddist á rist gegn Króatíu og þá er óvíst með þátttöku þeirra Janusar Daða Smárasonar og Ómars Inga Magnússonar sem voru báðir veikir í gær.
Þeir Kristján Örn Kristjánsson og Óðinn Þór Ríkharðsson vöknuðu svo veikir í morgun en Teitur Örn Einarsson var kallaður inn í íslenska hópinn í morgun.
Ísland þarf á sigri að halda gegn Austurríki til þess að eiga möguleika á sæti í undankeppni Ólympíuleikanna sem var yfirlýst markmið liðsins fyrir mótið.
Braut gegn konum í Eyjum
Kærir teiknara Vísis til siðanefndar
Ráðist á ferðamenn: „Það var blóð alls staðar“
Lögregla hafi hvatt til afturköllunar kæru
Veita fyrirtækjum brú yfir óvissutímabil
Krabbameinsfélagið undirbýr mikilvæga rannsókn
Fann bein og tönn úr dýrum í sprungunni