BAR og Williams hefur tekist að fá samningsréttarráð formúlunnar, sem er með aðsetur í Genf í Sviss, til að leiða deiluna um réttarstöðu Jensons Button til lyktar í þessari viku.

Í síðustu viku var málsmeðferðinni frestað þar til í lok október en nú hafa lögmennirnir þrír sem mynda ráðið ákveðið að koma saman á miðvikudaginn kemur.

Fara þá vitnaleiðslur fram í málinu sem snýst um það hvort Button keppi með BAR eða Williams á næsta ári. Vonast er til að ráðið birti svo niðurstöðu sína þremur dögum seinna, eða um næstu helgi. Ber það þá upp á sama tíma og Kínakappaksturinn í Sjanghæ fer fram.

Tengdar fréttir

Formúla-1/BAR og Williams þræta um Jenson Button

Williams býður í Button

• Button segir slæma ráðgjafa hafa skaðað orðspor sitt
• Button ákveðinn í að fara til Williams 2006
• BAR-liðið ánægt að halda í Button
• Williams og Button lýsa vonbrigðum

» Fleiri tengdar fréttir

• Blogga um frétt