Jenson Button segir niðurstöðu samningsréttarráðs formúlunnar ekki breyta í neinu þeim áformum sínum að snúa aftur til Williams. Kom fram í fréttatilkynningu Williamsliðsins í gærkvöldi að þar ætlar hann sér að vera liðsmaður árið 2006, eða ári seinna en ætlunin var.

Með úrskurði ráðsins í gær er Button bundinn BAR-liðinu út næsta ár en hann samdi í sumar við Williams um að snúa aftur þangað í byrjun næsta árs. Nú stefnir í að för hans á vait síns gamla liðs frestist um ár en fyrir vikið er hann nokkuð öruggur um starf a.m.k. næstu þrjú árin, út 2007.

Bæði Williams og Button töldu sig standa vel að vígi eftir að umboðsmaður hans John Byfield, sem er lögfræðingur, hafi fundið smugu í samningi ökuþórsins sem gera ætti honum kleift að halda á vit síns gamla liðs 2005.

Byfield mun nú þurfa að bíta úr nálinni með klúðrið því Button hefur nú ákveðið að láta hann gjalda þess hvernig fór. Núvreandi upplýsingafulltrúi Jagúarliðsins, Nav Sidhu, mun verða umboðsmaður hans í stað Byfield.

Sidhu var blaðafulltrúi Williams árið 2000 er Button hóf feril sinn í Formúlu-1, hjá Williams.

Tengdar fréttir

Formúla-1/BAR og Williams þræta um Jenson Button

Williams býður í Button

• Button segir slæma ráðgjafa hafa skaðað orðspor sitt
• BAR-liðið ánægt að halda í Button
• Williams og Button lýsa vonbrigðum
• BAR-stjórinn ber lof á Button

» Fleiri tengdar fréttir

• Blogga um frétt