McLaren harmar „ólánsatvik“
Kovalainen (fremstur) og Hamilton í tímatökunum í Sepang.
reuters
Setja bókamerki
McLarenliðið segir umdeild tilvik undir lok tímatökunnar í Sepang, þar sem báðum ökuþórum liðsins var refsað fyrir hindrun, vera „ólánsatvik“. Ökumennirnir hafi ekki hindrað keppinautana af ásettu ráði.
Lewis Hamilton og Heikki Kovalainen voru færðir aftur um fimm sæti hvor á rásmarki fyrir að hindra Nick Heidfeld og Fernando Alonso er þeir síðarnefndu voru á fljúgandi hring í lokin.
McLaren tekur refsingunni en segir að ekki hafi verið um vísvitandi tilraunir til að tefja för annarra keppenda. „Við tökum niðurstöðu dómaranna en viljum taka fram, að hvorki Lewis né Heikki hindruðu aðra keppendur af ásettu ráði.
„Þetta var ólánsatvik, ekkert öðruvísi. Við hlökkum til kappakstursins á morgun,“ sagði Martin Whitmarsh, framkvæmdastjóri McLaren.
McLaren tekur refsingunni í Sepang en segir um óviljaverk að ræða.
mbl.is/mclarenf1
Katrín efst í nýrri könnun Prósents
Deild við HÍ slítur samstarfi við ísraelska skóla
Laxness heim til Íslands
Eldvörpin byrjuð að gefa eftir
Forsetinn og utanríkisráðherrann látnir
Um 50 skjálftar í kvikuganginum