Fyrsti titill Margrétar Láru með Linköping
Setja bókamerki
Linköping, lið knattspyrnukonunnar Margrétar Láru Viðarsdóttur, hafði betur gegn Umeå í dag í Ofurbikarnum, árlegum leik ríkjandi Svíþjóðarmeistara og bikarmeistara. Jessica Landström gerði eina mark leiksins í fyrri hálfleik.
Þar með endurtók sagan sig frá því að liðin mættust í bikarúrslitaleiknum á síðasta ári því þá vann Linköping einnig 1:0 sigur. Umeå hafði hins vegar betur í deildakeppninni og endaði fjórum stigum fyrir ofan Linköping sem varð í öðru sæti.
Margrét Lára var á varamannabekk Linköping í dag en kom inná þegar um fimm mínútur voru eftir. Með sigrinum í dag hefur Eyjamærin landað sínum fyrsta titli með Linköping en hún gekk í raðir liðsins í vetur.
Keppni í sænsku deildinni hefst á miðvikudag en fyrsti leikur Linköping er þó ekki fyrr en fimmtudaginn 2. apríl.
„Trúlega rákumst við saman“
Kostnaðurinn nemur allt að þremur milljörðum
Fordæmir leyndarhyggju í skólamálum
Mennirnir í haldi lögreglunnar á Suðurnesjum
„Bíð bara eftir að það fari að gjósa aftur“
Telur að Rússar herði sókn sína í norðaustri
14 til 17 milljarða kr. tap vegna skerðinga