Ólafur Jóhannesson: Jóhannes á möguleika eins og aðrir

,,Það voru allir þeir leikmenn sem ég leitaði til sem gáfu kost á sér og ég tel þetta besta liðið sem völ er á í dag," sagði Ólafur Jóhannsson landsliðsþjálfari en hann valdi í dag landsliðshópinn fyrir leikina gegn Hollendingum í Makedóníumönnum í undankeppni HM

„Það gæti hjálpað okkur í leiknum á móti Hollendingum að þeir eru búnir að tryggja sér farseðilinn til Suður-Afríku og það gæti orðið eitthvað vanmat hjá þeim gagnvart okkur. Ég tel leikina á móti Hollendingum og Makedóníumönnum þá tvo erfiðustu í riðlinum enda tel ég þessar þjóðir þær sterkustu,“ sagði Ólafur á blaðamannafundi í dag.

Spurður hvort ekki hafi komið til greina að velja Jóhannes Karl Guðjónsson sagði Ólafur; ,,Hann var ekki valinn að þessu sinni ásamt mörgum öðrum. Það er fagnaðarefni að hann sé kominn upp í úrvalsdeildina. Það eykur flóruna fyrir okkur en Jóhannes á möguleika eins og aðrir, jafnvel Hjörtur,“ sagði Ólafur og brosti en hann átti við íþróttafréttamanninn Hjört Hjartarson leikmann Þróttar sem var blaðamannfundinum fyrir hönd RÚV.

• 1 blogg um fréttina

Bloggað um fréttina

• Torfi Kristján Stefánsson: Val á landsliðinu