Aðeins 34 mörk skoruð í sigri ÍBV

ÍBV vann FH með ótrúlegum hætti í N1-deild kvenna í handknattleik í dag. ÍBV fékk aðeins tíu mörk á sig í öllum leiknum og aðeins fjögur mörk í seinni hálfleik en staðan í leikhléi var 11:6. Lokatölur urðu 24:10.

Esther Óskarsdóttir var markahæst í liði ÍBV með 6 mörk. Ivana Mladeuovic kom næst Esther með fjögur mörk. Hjá FH sem skoraði aðeins tíu mörk voru þær Ingibjörg Pálmadóttir og Steinunn Snorradóttir með helming markanna. Ingbjörg með þrjú og Steinunn tvö.

ÍBV er því eftir sigurinn með fjögur stig eins og Stjarnan og Haukar en FH enn með tvö stig.

• 1 blogg um fréttina

Bloggað um fréttina

• Gísli Foster Hjartarson: Skiptir ekki máli......