Pétur Maack kom Íslandi yfir eftir aðeins sjö sekúndur í fyrsta leik liðsins í A-riðli 2. deildar heimsmeistaramótsins í Rúmeníu í dag, en liðið er þessa stundina að keppa við Spán í Galati.

Íslenska liðið vann pökkinn í byrjun leiks, keyrði ákveðið upp að marki Spánverja og Pétur rak endahnútinn eftir aðeins sjö sekúndur sem fyrr segir. Sannkölluð draumabyrjun og sú besta í leik á HM síðan árið 2011.

Þá skoraði Emil Alengard eftir 12 sekúndur í leik gegn Írum á HM sem fram fór í Zagreb í Króatíu.

Það reyndist jafnframt fljótasta markið sem skorað var á HM þetta árið, svo það verður gaman að sjá hvort einhver muni slá Pétri við í þessum efnum í Rúmeníu.

Tengdar fréttir

HM í Rúmeníu

Þorgerður Katrín óskar eftir miðum

• „Heimskulegt“ að halda HM í Rússlandi
• Erfið vinna í svona umhverfi
• Pétur var fljótastur að skora
• „Ungu strákarnir voru frábærir“

» Fleiri tengdar fréttir

• Blogga um frétt