Hagfræðiprófessorar á leið í bankaráð

Forseti Bandaríkjanna, Barack Obama íhugar að tilnefna tvo hagfræðinga, með bakgrunn í fjármálum, í bankastjórn Seðlabanka Bandaríkjanna, samkvæmt heimildum Washington Post.

Eru það Jeremy Stein, prófessor í hagfræði við Harvard háskóla og Richard Clarida, prófessor í hagfræði við Columbia háskólann og ráðgjafi verðbréfafyrirtækisins Pimco, sem helst koma til greina. Tvö sæti eru laus í sjö manna bankaráði Seðlabanka Bandaríkjanna.

Annar þeirra er demókrati og hinn repúblikani. Samkvæmt frétt Washington Post eru þeir báðir mjög virtir hagfræðiprófessorar með sérþekkingu á peningastefnukenningum og á fjármálamörkuðum.

• 1 blogg um fréttina

Bloggað um fréttina

• Guðrún María Óskarsdóttir.: Sjálfsagt gott innlegg í kosningabaráttuna vestan hafs.