Írska flugfélagið Ryanair sendi frá sér afkomuviðvörun í morgun vegna lækkunar á gengi pundsins frá því Bretar samþykktu að yfirgefa Evrópusambandið í þjóðaratkvæðagreiðslu í júní.
Flugfélagið gerir nú ráð fyrir því að hagnaður félagsins verði 5% minni í ár en áður hafði verið spáð.
Í tilkynningu til kauphallarinnar kemur fram að meginástæða þessa sé 18% lækkun á gengi sterlingspundsins frá því Brexit varð að raunveruleika. Þetta hefur veruleg áhrif á fargjöld flugfélagsins á síðari hluta ársins.