Breskt byggingavörufyrirtæki segir að 600 störf séu í hættu vegna óvissu í efnahagsmálum landsins vegna Brexit, útgöngu Bretlands úr Evrópusambandinu. Hjá byggingavörufyrirtækinu, Travis Perkins, starfa í heildina 28 þúsund manns á rúmlega tvö þúsund vinnustöðum, þeirra á meðal eru verslanirnar Tile Giant, Tool Station og Wickes. 

Vegna óvissunnar í efnahagsmálum hefur fyrirtækið ákveðið að loka tíu minni framleiðslu- og vöruhúsum sem hefur bein áhrif á framleiðslu á yfir 30 vörumerki fyrirtækisins. Öllum þeim 600 starfsmönnum sem þetta mun hafa áhrif á hefur verið greint frá stöðunni. 

Talsmaður fyrirtækisins varaði við að hagnaður fyrir EBITA yrði undir áætluðu markaðsverði eða um 462 milljónum evra. 

Breski forsætisráðherrann, Theresa May, fullyrti í síðasta mánuði að útganga Bretlands úr Evrópusambandinu myndi taka tvö ár. Þær áætlanir myndu taka gildi í mars 2017. 

Tengdar fréttir

Brexit

Nigel Farage gefur kost á sér og leiðir flokk

• Verði auðveldara að fara til og frá Bretlandi
• Fríverslunarsamningurinn formlega genginn í gildi
• Harma hve illa Bretum hefur tekist að semja
• Fimm mál sem leiddu til fallsins

» Fleiri tengdar fréttir

• Blogga um frétt