Banaði bandamönnum sínum

Íraskur hermaður skaut á bandaríska hermenn er þeir tóku þátt í sameiginlegum aðgerðum í Mosul í Norður Írak í morgun. Hermaðurinn banaði tveimur bandarískum hermönnum og særði þrjá til viðbótar sem og einn túlk.

Ekki er ljóst hvernig á því stóð að hermaðurinn skaut á Bandaríkjamennina en Reuters fréttastofan hefur eftir tveimur íröskum herforingjum að árásarmaðurinn hafi tengsl við uppreisnarmenn úr röðum Súnníta.