Sækir um tímabundið hæli í Rússlandi
Setja bókamerki
Bandaríski uppljóstrarinn Edward Snowden hefur sótt um tímabundið hæli í Rússlandi. Í heimalandi sínu hefur Snowden verið ákærður fyrir að leka trúnaðargögnum ríkisins en hann flúði til Rússlands frá Kína.
Hefur uppljóstrarinn nú dvalið á alþjóðaflugvellinum í Moskvu frá 23. júní síðastliðnum.
„Búið er að senda umsóknina til rússneskra yfirvalda,“ segir Anatoly Kucherena, þekktur rússneskur lögmaður, í samtali við AFP-fréttaveituna en Snowden hefur að undanförnu leitað álits Kucherena og fengið aðstoð hans við að skilja rússnesk lög.
Lögmaðurinn sagði einnig að Snowden myndi áfram halda til á flugvellinum því einhvern tíma myndi taka að afgreiða umsókn hans um hæli. Áður hefur komið fram að uppljóstrarinn mun ekki fá neina sérstaka flýtimeðferð í máli sínu.
„Hann óttast um líf sitt og öryggi. Hann óttast að hann verði dæmdur til dauða eða pyndaður fari hann aftur til Bandaríkjanna,“ hefur AFP-fréttaveitan eftir lögmanninum.
Segir Kucherena lögmaður því rússnesku innflytjendastofnunina eiga að samþykkja umsókn Edwards Snowdens.
Húsnæðisstuðningur framlengdur til áramóta
Mennirnir í haldi lögreglunnar á Suðurnesjum
Myndskeið: Hátt í 140 lömb á tveimur sólarhringum
Vantar fólk: „Þetta er gaman en það er ekki nóg“
Kemur ekki til greina að semja við ESB
Þakklátur Kínverjum fyrir friðarumleitanir
Segir forseta þingsins segja ósatt frá fundinum