Pútín varar við árásum á ný skotmörk
Setja bókamerki
Vladimír Pútín Rússlandsforseti hefur varað við því að stjórnvöld í Moskvu, höfuðborg Rússlands, muni gera árásir á ný skotmörk ef Vesturlönd láta Úkraínumönnum í té langdrægar eldflaugar.
Í samtali við rússneska fjölmiðla sagði hann einnig að nýjum vopnasendingum til Kænugarðs, höfuðborgar Úkraínu, væri ætlað að „framlengja átökin“.
Ef Kænugarður fær langdrægar eldflaugar „munum við draga viðeigandi ályktanir og nota vopnin okkar...til að ráðast á skotmörk sem við höfum ekki ráðist á áður,“ sagði Pútín.
Hann tilgreindi þó ekki hver skotmörkin yrðu.
Bandaríkin greindu frá því í síðustu viku að þau ætluðu að senda háþróaðar eldflaugar til Úkraínumanna.
Rússar segjast hafa eyðilagt skriðdreka sem austur-evrópsk lönd hafa útvegað Úkraínumönnum í árásunum sem voru gerðar á Kænugarð í nótt.
„Nákvæmum langdrægum eldflaugum var skotið af rússneska lofthernum í útjaðri Kænugarðs og eyðilögðu þær skriðdreka af tegundinni T-72 sem þjóðir frá Austur-Evrópu útveguðu, ásamt vopnuðum faratækjum sem voru geymd í skýlum,“ sagði talsmaður rússneska varnarmálaráðuneytisins, Igor Konashenkov.
Þyrla forsetans lenti í „slysi“
Braut gegn konum í Eyjum
Telur að Rússar herði sókn sína í norðaustri
Óljóst hvort þyrlan sé fundin
„Þær áttu bara að læra sína lexíu“
„Okkur mun ekki bregða“
Lögregla hafi hvatt til afturköllunar kæru
Haustbragur í maí: Snjókoma fyrir norðan