Trump ákærður
Setja bókamerki
Donald Trump, fyrrverandi Bandaríkjaforseti, segist hafa verið ákærður fyrir að vörslu háleynilegra skjala á heimili sínu. Hann kallar málið „skröksögu“ en mun mæta fyrir alríkisdómstól á þriðjudaginn.
Í síðustu viku var greint frá því að saksóknarar í Bandaríkjunum hafi komist yfir upptöku af Trump þar sem hann viðurkennir að hafa geymt háleynileg skjöl varnarmálaráðuneytisins á heimili sínu í Flórída.
„ÉG ER SAKLAUS MAÐUR!“
Á samfélagsmiðlinum Truth-social skrifar hann þriggja kafla færslu þar sem hann segir að „hin spillta ríkisstjórn“ Joe Bidens Bandaríkjaforseta sé búin að upplýsa lögmann sinn um að hann hafi verið ákærður fyrir „kassa-skröksöguna“.
Trump sakar einnig Joe Biden Bandaríkjaforseta um að geyma fjölda kassa af leynilegum skjölum víða í Bandaríkjunum, til að mynda í Háskólanum í Delaware og víðar.
„Ég vissi ekki að slíkt gæti gerst fyrir fyrrverandi forseta Bandaríkjanna, sem hefur fengið fleiri atkvæði en allir forsetar í sögu okkar lands,“ skrifar hann. „ÉG ER SAKLAUS MAÐUR!“
Hann bætir við að dagurinn í dag sé myrkur dagur fyrir Bandaríkin.
Fannari líst ágætlega á aðgerðirnar
Húsnæðisstuðningur framlengdur til áramóta
Kærir teiknara Vísis til siðanefndar
Kostnaðurinn nemur allt að þremur milljörðum
Ráðist á ferðamenn: „Það var blóð alls staðar“
Fann bein og tönn úr dýrum í sprungunni
Krabbameinsfélagið undirbýr mikilvæga rannsókn