Nú er verið að landa kolmunnaafla úr Faxa RE hjá fiskmjölsverksmiðju HB Granda á Akranesi. Fram kemur á vef fyrirtækisins að skipið hafi komið till hafnar í morgun eftir langa og stranga siglingu í mjög slæmu veðri frá kolmunnamiðunum djúpt vestur af Írlandi. Ingunn AK og Lundey NS eru nú á leið á miðin en skipin létu úr höfn í morgun.
Ingunn AK var með um 1.380 tonna kolmunnaafla og Lundey NS var með 1.225 tonn, en skipin komu til hafnar í lok síðustu viku, og áætlaður afli Faxa RE er 1.300 til 1.400 tonn. Alls eru þetta því tæplega 4.000 tonn.