Frekari niðurskurður erfiður

Björn Zoëga, forstjóri Landspítalans, segir í vikulegum föstudagspistli sínum að það sé ljóst að erfitt verði að skera meira niður í starfsemi spítalans á næsta ári. Hann bendir á að niðurskurður á spítalanum sl. tvö ár hafi verið 6,6 milljarðar kr.

„Margir starfsmenn hafa haft samband við mig síðustu vikurnar og haft áhyggjur af hugsanlegum niðurskurði á næsta ári. Ég hef bent þeim á það að ljóst er að skera þarf niður í ríkisrekstri og þar með á Landspítalanum. Niðurskurður á spítalanum síðustu tvö árin hefur verið 6,6 milljarðar. Það er gífurlega mikið og alveg ljóst að erfitt verður að bæta þar við. Um það getum við sjálfsagt öll verið sammála og við verðum auk þess vör við það að almenningur óttast afleiðingar enn meiri niðurskurðar í rekstri spítalans. Það gera stjórnvöld reyndar líka,“ skrifar Björn.

• 2 blogg um fréttina

Bloggað um fréttina

• Örn Ingólfsson: SPARA SPARA!!
• Viggó Jörgensson: Og stendur ekki til - spörum allt annað