„Nú þegar að ESB ætlar með blygðunarlausum hætti að beita sér gegn okkur. Með aðferðum sem eiga sér engin fordæmi þá heyrist ekkert, ekkert frá forystumönnum ríkisstjórnarinnar,“ segir Guðlaugur Þór Þórðarson, þingmaður Sjálfstæðisflokksins, á heimasíðu sinni og vísar þar til kröfu framkvæmdastjórnar Evrópusambandsins um að fá aðild að málarekstrinum gegn Íslandi vegna Icesave-málsins fyrir EFTA-dómstólnum.

Guðlaugur segir að undirlægjuháttur ríkisstjórnarinnar í þessum efnum sé alger. Hún hafi ekki gripið til varna í Icesave-málinu og aldrei talað máli þjóðarinnar við samningaborðið eða í erlendum fjölmiðlum.

„Hótunum ýmissa forystumanna ESB vegna eðlilegra veiða okkar á makríl innan okkar eigin lögsögu er mætt með vandræðalegri þögn,“ segir hann ennfremur og bætir því við að ætlunin sé að halda áfram að reyna að koma Íslandi inn í ESB eins og ekkert hafi í skorist.

„Ef núverandi ríkisstjórn hefði verið við völd í síðasta þorskastríði þá hefði hún örugglega sótt um aðild að breska heimsveldinu!“ segir Guðlaugur síðan að lokum og vísar þar til umsóknarinnar um aðild að ESB.

Heimasíða Guðlaugs Þórs Þórðarsonar

Tengdar fréttir

Icesave

Bresk stjórnvöld létu Ísland róa

• Íslendingar í efnahagslegu stríði
• Icesave var stærsta dómsmál EFTA
• Hefði kostað 208 milljarða
• „Grýla er dauð“

» Fleiri tengdar fréttir

Ísland og ESB

Óttast einangrun og hóta neitunarvaldi

• Vilja endurupptöku á viðræðum um aðild að ESB
• Sekta ekki skip sem uppfylla ekki kröfur
• Hitnar í kolum vegna fiskveiði
• ESB gerir athugasemd við fetaost frá MS

» Fleiri tengdar fréttir

• 2 blogg um fréttina

Bloggað um fréttina

• Viggó Jörgensson: Eins gott að kjósa Ólaf áfram forseta.
• Ómar Bjarki Kristjánsson: Sjallar vilja Ísland úr EES.