180 Venesúelabúar fluttir úr landi í gær
Setja bókamerki
Hundrað og áttatíu Venesúelabúar voru fluttir til Venesúela með beinu flugi frá Íslandi í kjölfar þess að umsóknum þeirra um alþjóðlega vernd hér á landi var synjað.
Miðlar erlendis hafa greint frá fólksflutningunum og kemur þar m.a. fram að hópurinn hafi lent á Simón Bolívar-alþjóðaflugvellinum í Venesúela í gærkvöldi.
Samkvæmt Flight radar lagði flugvél af stað frá Íslandi fyrir hádegi í gær og lenti í gærkvöldi í Venesúela.
Fjölmiðillinn Versión Final greinir frá miklum glundroða á flugvellinum í gær eftir að hópurinn lenti. Er haft eftir sjónarvottum að fólkið hafi verið flutt í rútur sem var keyrt frá flugvellinum í fylgd lögreglu.
Umfangsmestu fólksflutningar síðari tíma
Í september staðfesti kærunefnd útlendingamála álit Útlendingastofnunar sem kvað á um að umsækjendur um alþjóðlega vernd frá Venesúela njóti ekki lengur sjálfkrafa slíkrar verndar hér á landi.
Í viðtali við mbl.is sagði Guðrún Hafsteinsdóttir dómsmálaráðherra að niðurstaða kærunefndar myndi hafa áhrif á um 1.500 einstaklinga. „En við erum að horfa til þess að þetta gætu orðið einir umfangsmestu fólksflutningar síðari tíma á Íslandi,” sagði Guðrún.
Fjallabak, Sprengisandur og niður í Eyjafjörð
Forsetinn líti yfir axlirnar á þingheimi
Þetta eru hjólaframkvæmdirnar sem unnið er að
Breytingar á skipulagi fréttadeildar RÚV
Ólíkt ákall fólks á landsbyggðinni
Tveggja mánaða flandur um Nýja-Sjáland
Virknin færist í aukana innan 48 tíma
Rothissa á vinnubrögðum forystu BÍ