Forystukonur fjársöfnunar kærðar
Setja bókamerki
Tengdar fréttir
Flóttafólk á Íslandi
Lögreglustjórinn á höfuðborgarsvæðinu hefur framsent kæru sem embættinu hefur borist til héraðssaksóknara „til þóknanlegrar meðferðar“ eins og komist er að orði, en hinir kærðu eru þær Sema Erla Serdaroglu og María I.Þ. Kemp.
Þær hafa verið í forsvari fyrir fjársöfnun Solaris-samtakanna sem ætlað er að kosta brottflutning Palestínumanna frá Gasa-svæðinu. Í bréfi lögreglustjóra til héraðssaksóknara sem Morgunblaðið hefur undir höndum segir að sakarefni málsins kunni m.a. að varða við ákvæði almennra hegningarlaga þar sem kveðið er á um bann við mútum til erlendra opinberra starfsmanna. Slíkt athæfi er refsivert og kann að varða allt að þriggja ára fangelsi.
Í kærunni segir m.a. að hún sé lögð fram vegna meintrar refsiverðrar háttsemi fyrrgreindra kvenna við téða fjársöfnun. Kæran er dagsett 4. mars sl.
„Eftir að athygli var vakin á hinni meintu ólögmætu söfnun í Morgunblaðinu hefur kynningu á henni verið breytt og „Solaris“ sagt ábyrgðaraðili fyrir söfnunina,“ segir í kærunni.
Lesa má meira um málið í Morgunblaðinu í dag.
Hvað verður um plastið?
3.800 gígawattsstundir af viðbótarorku árlega
Rímar „engan veginn“ við Veðurstofuna
„Mjög ánægður með útkomuna“
Landrisið gæti hafa stöðvast og gosið virðist eflast
Atvinnuhúsnæði ekki keypt upp í Grindavík
Óásættanlegt hversu langan tíma viðræður hafa tekið
Fullyrðir að kindurnar beri ekki eftirlitslausar