Safna 30 milljónum fyrir Palestínu
Landssöfnun Solaris fyrir Palestínu hefur safnað 30 milljónum króna.
mbl.is/Kristinn Magnússon
Setja bókamerki
Solaris, hjálparsamtök fyrir hælisleitendur og flóttafólk á Íslandi, hafa safnað 30 milljónum króna í landssöfnun sinni fyrir Palestínu.
Í tilkynningu segir að 3.000 einstaklingar ásamt fyrirtækjum og félagssamtökum hafi lagt söfnuninni lið, til þess að koma dvalarleyfishöfum í Palestínu á grundvelli fjölskyldusameiningar til Íslands.
Vantar 25 milljónir til viðbótar
Í tilkynningu segir enn fremur að eftir eigi að sækja hóp dvalarleyfishafa, en hópurinn samanstendur af 32 mæðrum, 49 börnum og 9 feðrum.
Þá segir að safna þurfi 25 milljónum til viðbótar til þess að koma hópnum til Íslands.
Söfnuninni var hleypt af stað í byrjun febrúar eftir að sjálfboðaliðum tókst að koma dvalarleyfishöfum frá Gasa án aðkomu íslenskra stjórnvalda.
Mun ekki framselja vald sitt til Felix
Dreymdi sjö seli: Katrín verður forseti
Hörð átök á milli nemenda og táragasi beitt
„Höldum áfram að fylgjast með“
Ræða um rekstrarleyfi til 16 ára
Brotum fjölgar og lögregla oftar vopnuð
Fylgið á hreyfingu tvist og bast