Tala látinna í kjölfar jarðskjálftans í Mexíkóborg er kominn upp í 248. Þetta staðfesta mexíkósk yfirvöld en ríkisstjórnin hefur lýst yfir þriggja daga þjóðarsorg og innanríkisráðherra Mexíkó hefur lýst yfir sérstöku neyðarástandi. Latin Times greinir frá.
Frétt mbl.is: Skjálfti upp á 7,4 skekur Mexíkóborg
Tala látinna er hæst í Mexíkóborg en þar hefur verið staðfest að 117 hafi látið lífið. Þá hefur verið staðfest að 55 hafi farist í borginni Morelos.
Björgunarmenn leita nú enn eftir röddum í rústum og hafa þjálfaðahunda sér til aðstoðar til að finna fólk í rústunum. Talsverðum fjölda fólks hefur verið bjargað úr rústum en aðstæður eru sagðar erfiðar, meðal annars vegna rafmangsleysis.