Vöruflutningabifreið sem flutti um 15 milljón hunangsbýflugur til að fræva bláberjaakra valt á þjóðvegi 95 í Bandaríkjunum í gær.
Ökumaðurinn var fluttur á sjúkrahús í varúðarskyni og á meðan unnu viðbragðsaðilar að því að tryggja öryggi býflugnanna sem voru í býflugnabúum.
Býflugurnar voru að mestu innilokaðar og var markmiðið að bjarga þeim, sagði Shannon Moss talsmaður ríkislögreglunnar.
Í fyrstu vissu viðbragðsaðilar ekki að farmurinn væri býflugur fyrr en slökkviliðsmenn fóru að athuga hvort vökvi læki, sagði Travis Leary slökkviliðsstjóri.
Sagði hann viðbragðsaðilana hafa uppgötvað það á erfiða mátann.
„Strákarnir voru stungnir reglulega. Allir voru stungnir að minnsta kosti nokkrum sinnum,“ sagði Leary sem sjálfur varð fyrir nokkrum býflugnastungum.
Bifreiðin var á leiðinni til Washington-sýslu sem er talin vera miðstöð villta bláberjaiðnaðarins.
Truck hauling 15 million bees crashes; first responders learn about cargo the hard way https://t.co/ZEWROgPFlr
— The Oregonian (@Oregonian) May 10, 2024