Indiana Pacers jafnaði einvígi sitt gegn New York Knicks í 2:2 í undanúrslitum Austurdeildar NBA-körfuboltans með sigri á heimavelli í kvöld, 121:89.
Indiana vann fyrsta leikhluta 34:14 og annan leikhluta 35:27. Var New York aldrei líklegt til að jafna í seinni hálfleik.
Tyrese Haliburton skoraði 20 stig í afar jöfnu liði Indiana, en sex leikmenn skoruðu tíu stig eða meira fyrir heimamenn. Alec Burks skoraði 20 fyrir New York.