Það er áhugavert að taka saman vinsælustu uppskrifirnar 2014. Smartland Mörtu Maríu rekur einn öflugasta matar- og uppskriftavef landsins þar sem er að finna yfir 3000 uppskriftir. Allt frá súperhollum morgunmat fyrir „vegan“ upp í sykurhúðað sætabrauð og auðvitað allt þar á milli. Hægt er að nota vefinn eins og uppflettirit en ef fólk er að leita að kjúklingarétt er nóg að slá inn leitarorðinu „kjúklingur“ og þá birtast ótal uppskriftir. Einnig er hægt að fletta upp einstökum hráefnum eins og sykur og þá koma allar uppskriftir sem innihalda það hráefni.
Það sem er gaman að sjá er hvað lesendur höfðu mestan áhuga á að lesa um þegar koma að uppskriftum og auðvitað prófa.
Vandræðalega góð taílensk kjúklingasúpa
Berglind Guðmundsdóttir matarbloggari á Gulur, rauður, grænn og salt eyddi jólunum á Taílandi þar sem hún fékk mikinn innblástur. Eftir að hún kom heim prófaði hún að gera ekta taílenska kjúklingasúpu með hnetusmjöri og rauðu karríi.
Morgungrautur sem enginn fær leiða á Þetta er morgungrauturinn sem ég sjálf lifi á. Ég bý hann til daglega og fæ ekki nóg. Þessa uppskrift nota ég sem grunn og svo poppa ég hana upp með ólíkum ávöxtum eða jafnvel hreinu kakódufti ef ég er í brjáluðu stuði.
Heimsins besti kjúklingur Þessi uppskrift fór reyndar á vefinn í apríl 2013 og var afar vinsæl allt það ár og vinsældirnar héldu svo áfram 2014.
Mexíkósk kjúklingasúpa Evu Laufeyjar Íslendingar eru greinilega mjög hrifnir af mexíkóskum súpum eins og sést á vinsældum þessarar uppskriftar.
Fáránlega góð döðlu- og karamellukaka Þessi uppskrift sló algerlega í gegn en hún kom inn á vefinn í september 2014.
Heimsins besti föstudagskjúklingur Dröfn Vilhjálmsdóttir matarbloggari á Eldhússögum er höfundur þessa vinsæla kjúklingarétts sem fékk landsmenn til að sleikja út um á árinu sem er að líða.
„Segðu bara að þetta sé bökuð hráfæðiskaka“ „Það er afar gaman að fara í kaffi- eða matarboð til Sigrúnar Hjálmtýsdóttur söngkonu og hennar fjölskyldu. Diddú bjó lengi á Ítalíu og heillaðist þar, eins og fleiri, af mat Miðjarðarhafsins. „Segðu bara að þetta sé bökuð hráfæðisterta,” sagði Diddú aðspurð um tertuna og hló svo hátt að undir tók í dalnum. Ef það er rétt að hláturinn lengi lífið þá má gera ráð fyrir að Diddú lifi næstu aldamót,“ segir Albert Eiríksson matarbloggari.
Dásamleg döðlukaka „Þeir sem þekkja mig vita hversu mikill sælkeri ég er en ég er mikið fyrir kökur og súkkulaði og finnst yndislegt að geta bakað og notað hollara hráefni sem fer betur með líkamann og blóðsykurinn. Það er nefnilega orðið svo auðvelt nú til dags að skipta út einhverju óhollu í uppskrift og setja í staðinn t.d. hollara mjöl eins og gróft heilhveiti, gróft spelt eða möndluhveiti,“ segir Ásdís Ragna Einarsdóttir grasalæknir.
Frábær fjölskyldufiskur í ofni Dröfn Vilhjálmsdóttir matarbloggari á Eldhússögum úr Kleifarselinu útbjó girnilegan fiskrétt með beikoni, eplum og osti.
Það fá allir vatn í munninn yfir þessum Ef það er eitthvað sem er erfitt að standast svona síðdegis á miðvikudegi þá eru það þessir girnilegu snickersbitar frá Dröfn Vilhjálmsdóttur matarbloggara í Eldhússögum.