Þór og ÍBV bæði til Írlands
Setja bókamerki
Þór og ÍBV mæta bæði liðum frá Írlandi í fyrstu umferð Evrópudeildar UEFA í knattspyrnu en FH-ingar fara til Liechtenstein. Dregið var í Nyon í Sviss rétt í þessu.
ÍBV mætir St. Patrick's Athletic annað árið í röð en Írarnir höfðu betur, 2:1 samanlagt, þegar liðin mættust í fyrra.
Þór, sem þreytir frumraun sína í Evrópukeppni, mætir írska liðinu Bohemians frá Dublin.
FH-ingar, sem voru í efri styrkleikaflokki í drættinum í dag, mæta Eschen-Mauren frá Liechtenstein.
FH á fyrri leikinn á heimavelli en bæði Þór og ÍBV byrja á útivelli. Fyrri leikir liðanna fara fram 5. júlí en seinni leikirnir 12. júlí.
Nú í hádeginu verður dregið til 2. umferðar í keppninni og þá kemur í ljós hverjir mótherjar íslensku liðanna verða ef þau komast í gegnum 1. umferðina.
Fannari líst ágætlega á aðgerðirnar
Kostnaðurinn nemur allt að þremur milljörðum
Fordæmir leyndarhyggju í skólamálum
„Trúlega rákumst við saman“
Vantar fólk: „Þetta er gaman en það er ekki nóg“
Telur að Rússar herði sókn sína í norðaustri
Rannsaka drómasýki í hestum