Cleveland Cavaliers setti félagsmet í gær þegar liðið sigraði New Jersey Nets í NBA-deildinni í körfuknattleik 98:87. Þetta var tíundi sigurleikur Cleveland í röð en alls hefur liðið unnið 58 leiki. LeBron James skoraði 22 stig og tók 11 fráköst í liði Cleveland sem á eftir að leika 11 leiki á tímabilinu. Tímabilið 1988-1989 vann Cleveland 57 leiki og það sama var uppi á teningnum tímabilið 1991-1992 þegar leikmenn á borð við Brad Daugherty, Mark Price og Larry Nance voru kjarni liðsins.
Cleveland hefur unnið 33 leiki af alls 34 á heimavelli og í marsmánuði hefur liðið aðeins tapað einum leik af alls 14. Cleveland er í efsta sæti Austurdeildar en meistaralið Boston hefur unnið 53 leiki.
Toronto – Milwaukee 115:106
Andrea Bargnani skoraði 23 stig fyrir Toronto. Chris Bosh og Jose Calderon voru
með tvöfalda tvennu í liði Raptors.
Washington – Charlotte 95:93
Antawn Jamiscon skoraði 27 stig fyrir Washington sem er í neðsta sæti
Austurdeildar. Nick Young bætti við 23 stigum fyrir Washington.
Atlanta – San Antonio 92:102
Tony Parker lætur að sér kveða í liði San Antonio í fjarveru Tim Duncan og í
Atlanta skoraði hann 42 stig. Atlanta hafði fyrir leikinn unnið átta leiki í
röð á heimavelli.
Indiana – Miami 90:88
Danny Granger skoraði 28 stig fyrir Indiana.
Philadelphia – Minnesota 96:88
Thaddeus Young skoraði 29 stig fyrir
Philadelphia og Andre Miller bætti við
15 stigum fyrir heimamenn.
New York – LA Clippers 135:140
Það var mikið skorað í framlengdum leik í New York. Mike Taylor skoraði 35 stig fyrir LA Clippers
sem er persónulegt met og Zach Randolph skoraði 33 stig gegn sínu gamla liði í
New York.
New Orleans – Denver 88:101
Carmelo Anthony skoraði 29 stig fyrir Denver en New Orleans hafði unnið síðust
þrjá leiki á heimavelli.
Orlando – Boston 84:82
Dwight Howard varði skot frá Paul Pierce 3,8 sekúndum fyrir leikslok og kom þar
með í veg fyrir að meistaralið Boston tækist að jafna metin. Með sigrinum
tryggði Orlando sér sigur í Suð-Austur riðlinum annað árið í röð.
Dallas – Golden State 128:106
Phoenix – Utah 118:114
Grant Hill skoraði 26 stig fyrir Phoenix en þetta var sjötti sigur Suns í röð
og það hefur ekki gerst áður á leiktíðinni.