Ríkisstjórnir Belgíu, Hollands og Lúxemborgar hafa ákveðið að setja 11,2 milljarða evra inn í fjármálafyrirtækið Fortis sem hefur glímt við mikla erfiðleika að undanförnu. Forsætisráðherra Belgíu, Yves Leterme, greindi frá þessu í kvöld.

Um samstilltar aðgerðir er að ræða til þess að styrkja stöðu Fortis, sem rekur auk bankaþjónustu, tryggingafélag. Efndu ríkisstjórnir Benelúx-landanna til neyðarfundar í dag þar sem gengið var frá samkomulaginu.

Markaðsvirði Fortis dróst saman um tæpan fjórðung í síðustu viku eftir að orðrómur fór á kreik um erfiða stöðu bankans og greiðslugeta hans var stórlega dregin í efa. 

Verður Fortis gert að selja allan hlut sinn í hollenska bankanum ABN Amro en Fortis tók yfir hluta bankans á síðasta ári.

Samkomulagið handsalað í Belgíu í dag. Reuters

Tengdar fréttir

Bankakreppa

Biðu sömu örlaga og Ísland

• Vilja að bankarnir endurgreiði aðstoðina
• Merki um siðrof í þjóðfélaginu
• Eignir metnar á 775 milljarða
• Auknar álögur á íbúa Grimsby

» Fleiri tengdar fréttir

• 1 blogg um fréttina

Bloggað um fréttina

• Stefán Helgi Kristinsson: Allt að hrynja?