Yves Leterme, forsætisráðherra Belgíu, sagði í dag að viðræður stæðu yfir við ákveðinn aðila um hugsanleg kaup á starfsemi Kaupþings í Lúxemborg. Sagði hann að endanleg ákvörðun yrði tekin næsta föstudag, 5. desember.

Leterme sagði á blaðamannafundi, að alvarlegar viðræður stæðu yfir  en 3-4 aðrir aðilar hefðu lýst yfir áhuga á viðræðum um kaup á rekstri Kaupþings í Belgíu en bankinn í Lúxemborg var með útibú í Belgíu og Hollandi. 

Belgískt blað segir, að meðal þeirra, sem rætt hafi verið við, sé  Keytrade Bank, dótturfélag franska bankans Credit Agricole. Reikningar belgískra viðskiptavina Kaupþings voru frystir þegar íslenska fjármálaeftirlitið greip inn í rekstur móðurfélagsins á Íslandi í október.  

Leterme sagði, að 5 þúsund belgískir viðskiptavinir Kaupþings myndu fá allt að 20 þúsund evra inneignir greiddar á mánudag. 

Tengdar fréttir

Bankakreppa

Biðu sömu örlaga og Ísland

• Vilja að bankarnir endurgreiði aðstoðina
• Merki um siðrof í þjóðfélaginu
• Eignir metnar á 775 milljarða
• Auknar álögur á íbúa Grimsby

» Fleiri tengdar fréttir

• 1 blogg um fréttina

Bloggað um fréttina

• Sigurbjörg: Hvernig fer með upplýsingar frá þeim?