5,2% verðbólga í Bretlandi

Verðbólga mæld á tólf mánaða tímabili var 5,2% í Bretlandi í september, samkvæmt nýbirtum tölum Hagstofu Bretlands. Er verðbólgan nú jafn mikil þar í landi og í september 2008.

Samkvæmt spá Englandsbanka verður verðbólga meiri en 5% í ár en bankinn gerir ráð fyrir því að á næsta ári dragi úr verðbólgu.

Í ágúst mældist verðbólgan í Bretlandi 4,5% en 35 sérfræðingar sem Bloomberg fréttastofan leitaði til spáðu því að meðaltali að verðbólgan myndi mælast 4,9% í september.

• 1 blogg um fréttina

Bloggað um fréttina

• Páll Vilhjálmsson: Eymdarvísitalan og Ísland