Vildi að Janet fengi börnin
Setja bókamerki
Staðahæft er í fjölmiðlum í Bandaríkjunum að söngvarinn Michael Jackson hefði viljað að systir hans Janet Jackson tæki börn hans þrjú að sér að honum látnum.Söngvarinn lést í síðustu viku og í gær var móður hans Katherine sem er tæplega áttræð falið tímabundið foræði yfir börnunum, sem eru á aldrinum sjö til tólf ára. „Það gera allir ráð fyrir því að Katherine og Joe ali börnin upp en talið er að erfðaskrá Michael geti komið í veg fyrir það. Hann var staðráðinn í að börn hans myndu alast upp við betri aðstæður en hann gerði sjálfur. Michael hefði viljað að þau væru hjá Janet,” segir ónefndur heimildarmaður.
Jackson er sagður hafa útilokað föður sinn Joe Jackson í síðustu erfðaskránni sem hann gerði. Samkvæmt heimildum blaðsins Wall Street Journal verður erfðaskráin, sem var undirrituð árið 2002, lögð fyrir dómara í Los Angeles á fimmtudag.
Joe skipulagði, æfði og rak hljómsveitina Jackson 5 á árum áður en hana skipuðu Michael Jackson og fjórir bræður hans. Jackson sagði í sjálfsævisögu sinni, sem kom út 1988, að hann hefði aldrei skilið föður sinn. Joe hefði verið afar strangur og stundum barið hann ef honum mistókst á æfingum.
Joe lýsti því yfir í gær að hann og Katherine hefðu nú börn Michael í sinni umsjá og að þau hefðu félagsskap af öðrum börnum. „Við erum með börn þarna," sagði hann. „Lítil börn eins og þau eru. Þau hafa aldrei umgengist önnur börn. Þau eru hamingjusöm."
Katherine og Jackson eru skilin að borði og sæng en þó sögð verja miklum tíma saman.
/frimg/1/45/9/1450903.jpg)
Fjármagn stýrir hraða og forgangsröðun
Dregið á asnaeyrum
Umdeild túlkun kemur í veg fyrir val á Alberti
Aukið viðbragð í Hafnarfirði eftir árásir
Samningar ógagnsæir: Neytendur verða að skilja þá
Her Taívans bregst við heræfingum Kínverja
Halla Tómasdóttir þykir hafa staðið sig best
„Mitt hlutverk að sjá til þess að svo geti verið“