Bush boðar ráðstefnu helstu leiðtoga heimsins
Setja bókamerki
Forseti Bandaríkjanna, George W. Bush, mun standa fyrir ráðstefnu með helstu leiðtogum heimsins fljótlega þar sem rætt verður um viðbrögð við fjármálakreppunni sem nú ríkir í heiminum. Bush greindi frá þessu í kvöld en hann er staddur í forsetabústaðnum, Camp David, þar sem hann og Nicolas Sarkozy, forseti Frakklands, og forseti framkvæmdastjórnar Evrópusambandsins, José Manual Barroso, sitja á rökstólum.
Barroso hefur þrýst á það undanfarið að helstu leiðtogar heims ræði efnahagsmál heimsins sem fyrst. Þegar Sarkozy og Barroso komu til Camp David sagði Sarkozy að ekki verði hægt að halda áfram á sömu braut þar sem svipuð vandamál, sem orsaka kreppur sem þá sem nú gengur yfir, koma alltaf upp aftur.
Samkvæmt frétt New York Times í kvöld hefur dagsetning ráðstefnunnar ekki verið ákveðin en að Ban Ki-moon, framkvæmdastjóri Sameinuðu þjóðanna hafi í dag stutt hugmyndina um ráðstefnuna og sagt að það væri hægt að halda hana í aðalstöðvum Sameinuðu þjóðanna í byrjun desember.
Urðu ekki vör við kvikuhlaup
Flugvél Icelandair til Glasgow snúið við
Útlendingafrumvarpið á dagskrá á morgun
Vænta þess að um tímabundið ástand sé að ræða
Mannbjörg þegar strandveiðibátur sökk
Kortavelta ferðamanna dregst mikið saman
Baldur: Það má ekki gelda embættið
Andri Snær sættir sig við fimm frambjóðendur