Fordæma eldflaugaskot Norður-Kóreu
Setja bókamerki
Öryggisráð sameinuðu þjóðanna fordæmir harðlega nýjasta eldflaugaskot Norður-Kóreu, en eldflaug var skotið frá höfuðborg landsins, Pyongyang, yfir Japan í gærkvöldi. Talið er að um sé að ræða svar stjórnvalda í Norður-Kóreu við hertum refsiaðgerðum gegn landinu af hálfu Sameinuðu þjóðanna, sem samþykktar voru einróma í vikunni.
Í yfirlýsingu sem send var út fyrir skömmu segir að öryggisráðið fordæmi „mjög svo ögrandi“ eldflaugaskot Norður-Kóreu og er þess krafist að stjórnvöld í landinu láti af frekari flugskeytatilraunum. AFP greinir frá.
Frekari refsiaðgerða er ekki hótað í yfirlýsingunni en í vikunni samþykkti öryggisráð Sameinuðu þjóðanna hertar viðskiptaþvinganir gegn Norður-Kóreu, þær hörðustu sem hefur verið beitt.
Viðskiptaþvinganirnar fela meðal annars í sér takmarkanir á innflutningi Norður-Kóreu á olíu og algjört bann við útflutningi á vefnaðarvörum, í þeim tilgangi að svipta ríkið helstu tekjulindum og nauðsynlegu fjármagni til að halda áfram kjarnorku- og eldflaugaáætlun sinni. Tilgangurinn er einnig að reyna að auka samningsvilja stjórnvalda í Norður-Kóreu.
Offramboð á leiðindum í nokkur ár
11 verða í framboði til embættis forseta Íslands
„Mjög ánægður með útkomuna“
Hægist á eftir mikinn uppgang
Hjólandi fjölgar hægt en örugglega
/frimg/1/48/82/1488234.jpg)
Aðeins níu meðmælendur í öðru framboðinu
Atvinnuhúsnæði ekki keypt upp í Grindavík