Trulli áminntur, Liuzzi víttur
Trulli hindraði Buemi.
Setja bókamerki
Jarno Trulli hjá Toyota var áminntur eftir tímatökurnar í Sao Paulo. Dómarar ákváðu hins vegar að gera honum ekki refsingu vegna erfiðra aðstæðna í brautinni.
Trulli reyndist hafa flækst fyrir Sébastien Buemi hjá Toro Rosso og þannig aftrað honum frá betri árangri. Trulli varð fjórði í tímatökunum en Buemi sjötti og er það besti árangur hans á ferlinum í formúlu-1 sem hófst í vertíðarbyrjun í ár.
Þá þarf Vitantonio Liuzzi hjá Force India að taka út fimm sæta afturfærslu á rásmarkinu fyrir að skipta um gírkassa í bíl sínum í framhaldi af tímatökunum.
Ákveðið var að skipta um gírkassann eftir að Liuzzi missti stjórn á bílnum í annarri umferð tímatökunnar. Kastaðist hann milli öryggisveggja og mun gírkassinn hafa skemmst við það.
Þrjú hjól brotnuðu af er Liuzzi klessti á vegg í byrjun annarrar lotu.
Fræsa og malbika Reykjanesbraut
Jón hefur engar áhyggjur
„Ekki við hæfi að blanda sér í umræðu um ritstjórn RÚV“
Baldur hefur ekki áhyggjur
Ákall eftir forseta án tengsla við valdöfl og fjármálakerfi
Barnalög endurskoðuð til að bregðast við
Starfsmaður SÍ grunaður um fjárdrátt