Jónas Sigurgeirsson, forstöðumaður samskiptasviðs Kaupþings, segir að á
grundvelli þeirra upplýsinga sem liggi fyrir megi ekki ráða að óeðlilegar millifærslur hafi átt sér stað af reikningum dótturfélaga Kaupþings í
Bretlandi á reikninga á Íslandi, eða á aðra reikninga bankans, í aðdraganda
þess að Fjármálaeftirlitið tók yfir stjórn bankans á Íslandi.
Landsbankinn sendi í dag frá sér yfirlýsingu þar sem segir að engar færslur hafi verið frá útibúi Landsbankans í London til móðurfélagsins á Íslandi. Á umræddu tímabili hafi bankinn þvert á móti fært verulega fjármuni til útibúsins í Bretlandi til að standa við skuldbindingar Icesave, í aðdraganda þess að Fjármálayfirlitið tók stjórn bankans yfir.
Ekki hafi heldur átt sér stað færstur á milli Heritable Bank og Landsbankans á umræddu tímabili og bankinn hafi að fullu verið fjármagnaður.