Tólf þúsund bókað tíma í skimun
Setja bókamerki
/frimg/1/49/28/1492862.jpg)
Tólf þúsund manns höfðu bókað tíma í skimun eftir COVID-19-sjúkdómnum klukkan níu í morgun. Opnað var fyrir bókanir í gærkvöldi.
Skimanir hefjast í Turninum, Smáratorgi 3 í Kópavogi, klukkan 10. Fólki sem á bókaðan tíma er bent á að nota inngang á fyrstu hæð en þar verður fyrir starfsmaður sem tekur á móti því.
Þetta kemur fram í tilkynningu frá Íslenskri erfðagreiningu. Í fyrri frétt mbl.is kom fram að skimun hefði hafist fyrr í morgun en hið rétta er að skimunin er núna að hefjast.
„Nýja kórónuveiran sem veldur sjúkdóminum COVID-19 dreifist nú hratt um heiminn og hefur sett venjubundið líf úr skorðum. Mikill meirihluti þeirra sem smitast verður ekki alvarlega veikur. Flestir sem koma í skimun hafa aldrei fundið fyrir einkennum og eru því líklega ekki smitandi. Það sama á við alla starfsmenn í húsinu, hvort sem þeir starfa við skimanir eða ekki. Það er því ekki meiri hætta á ferðum í húsinu en annars staðar í borginni þar sem fólk kemur saman,“ segir í tilkynningunni.
„Um leið og þessi mikla þátttaka er ánægjuleg er ljóst að hún veldur álagi á það starfsfólk sem fyrir er í húsinu sem tengist ekki Þjónustumiðstöð rannsóknaverkefna þar sem skimanir fara fram. Það er einkum vegna aukinnar umferðar um húsið þessa dagana. Fólk á þakklæti skilið fyrir skilning og þolinmæði en baráttan við COVID-19 er samfélagslegt verkefni og á ábyrgð okkar allra að vel takist til.“
/frimg/1/47/16/1471608.jpg)
Skilaboðin til lögreglumanna „ömurleg“
Skýrir fyrirbærið sem olli ókyrrðarslysinu
Týndu kjörseðlarnir fundust í Madríd
Atkvæðagreiðslu frestað: Kjörgögn skiluðu sér ekki
Norðmenn viðurkenna palestínskt ríki
Eftirlit með innheimtu ábótavant
„Erfiðara fyrir kvikuna að komast upp“
„Mælum ekki með því að íbúar dvelji í bænum“