FÁSES skorar á Rúv að sniðganga Eurovision
Setja bókamerki
Tengdar fréttir
Eurovision
Félagi áhugafólks um Söngvakeppni evrópska sjónvarpsstöðva (FÁSES) hefur snúist hugur og skorar á Rúv að senda ekki fulltrúa í Eurovision 2024 nema Ísrael taki ekki þátt í keppninni.
Greint var frá því fyrr í mánuðinum að FÁSES kvaðst ekki taka afstöðu til hugsanlegrar sniðgöngu á Eurovision-keppni næsta árs.
Þá var einnig bent á að formaður félagsins hafi sagt félagið taka afstöðu gegn þáttöku Rússa í Eurovision í fyrra. Nú virðist stjórnarmönnum félagsins hafa snúist hugur.
Fordæma „öll ofbeldisverk og brot á mannréttindum“
Tíu þúsund manns hafa skrifað undir áskorun til Ríkisútvarpsins um að neita að taka þátt í Eurovision nema Ísrael verði vísað úr keppni.
„FÁSES, Félag áhugafólks um Söngvakeppni evrópskra sjónvarpsstöðva, fordæmir öll ofbeldisverk og brot á mannréttindum. Ógerlegt er að hafa gildi Eurovision um alþjóðleg samskipti, skilning og sameiningu fólks í hávegum undir þessum kringumstæðum. FÁSES skorar því á RÚV að senda hvorki sigurvegara Söngvakeppninnar né annan fulltrúa til þátttöku í Eurovision 2024 nema Ísrael taki ekki þátt í keppninni,” segir í ályktun sem birt á vef félagsins í dag, Þorláksmessu.
Í FÁSES eru 530 félagar og tóku 238 þeirra þátt í atkvæðagreiðslunni sem er 45% svarhlutfall. Alls studdu 169 félagar ályktunina, 55 voru á móti og 14 sátu hjá.
Þjóðin vill Ísrael úr leik
Mikill meirihluti þjóðarinnar, eða 76%, eru sammála því að útiloka eigi Ísrael frá þátttöku í Eurovision. Þetta eru niðurstöður könnunar sem Prósent framkvæmdi 14. til 21. desember.
mbl.is greindi einnig frá því fyrr í dag að Izhar Cohen, sem vann Eurovision árið 1978 fyrstur Ísraelsmanna, hefði sakaði íslensku þjóðina um gyðingahatur í sjónvarpsþætti á Stöð 13 í heimalandi sínu.
Útvarpstjóri segist skilja mótmælendur
Stefán Eiríksson útvarpsstjóri hefur sagst skilja afstöðu þeirra sem krefjist þess að Ísland beiti sér fyrir því að Ísrael verði vísað úr Eurovision mætavel.
Sagði hann í samtali við mbl.is á dögunum horfa þyrfti til ýmissa sjónarmiða þegar komi að því að taka ákvörðun um hvort og hvernig sé hægt að bregðast við kröfum sem varði þátttöku Íslands í keppninni.
20 þúsund manns hafa verið drepnir í árásum Ísraelshers á Gasasvæðinu, að sögn Hamas-hryðjuverkasamtakanna. Stríðið hefur nú geisað í rúmlega tvo mánuði en það hófst með árás Hamas-vígamanna þann 7. október, þar sem 1.139 manns voru drepnir. Stjórnvöld beggja vegna víglínunnar segja meginþorra látinna vera óbreytta borgara.
Tengdar fréttir
Eurovision
Vill ekki „aumingjalegar“ lækkanir á röngum tíma
Næsta eldgos fær mikið forskot
Magnús Tumi: Gýs líklega á næstu dögum
„Gleymum því ekki að okkar vali fylgir ábyrgð“
Mældist á 174 km hraða í gegnum vinnusvæði
Þurfa að taka myndir áður en goslokum er lýst yfir