Nátt­úru­vernd­ar­sam­tök­in Hvala­vin­ir telja tímabært að Ísland segi sig úr Norður-Atlans­hafs­sjáv­ar­spen­dýr­aráðinu (NAMMCO), en bandalagið fundar 19.-21. mars á Grand Hótel í Reykjavík.

Frétt af mbl.is

NAMMCO mun funda í Reykjavík

NAMMCO eru alþjóðasam­tök stofnuð af Íslandi, Nor­egi, Fær­eyj­um og Græn­landi árið 1992 vegna óánægju með nálg­un Alþjóðahval­veiðiráðsins (IWC) til stjórn­unar nýt­ing­ar á sjáv­ar­spen­dýr­um. Tel­ur NAMMCO að ákv­arðanir um hval­veiðar eiga að byggj­ast á vís­inda­legri nálg­un sem taki til­lit til bæði marg­breyti­leika og viðkvæmni vist­kerf­is sjáv­ar og rétt­inda og þarfa strand­sam­fé­laga til að lifa sjálf­bært af því sem hafið get­ur veitt.

„Þessi tvö ríki og tvö sjálfstjórnarsvæði vildu þá halda áfram að veiða hvali og seli þvert á flest önnur ríki heims og klufu sig því úr IWC til að mynda sitt eigið bandalag sem hefur það aðalhlutverk að standa vörð um áframhaldandi veiðar á sjávarspendýrum,“ segir í tilkynningu frá Hvalavinum.  

Hvalkjöt á boðstólnum

Þá segir að er NAMMCO kemur saman er jafnan haldin veisla þar sem hvalkjöt og selkjöt er á boðstólnum. „Heimildir okkar herma að því sé mestmegnis hent í lok kvölds enda hefur neyslumynstur flestra íbúa þessara ríkja/svæða breyst mikið og fáir sem hafa lyst á því lengur.“

„Við í samtökum um dýravelferð og náttúruvernd á Íslandi teljum að Ísland eigi að segja sig úr NAMMCO og að banna eigi hvalveiðar. Við teljum mikilvægt að sýna gott fordæmi, gera hafið í kringum Ísland að griðar- og verndarsvæði hvala og annarra sjávarspendýra og biðlum til Katrínar Jakobsdóttur sitjandi matvælaráðherra að beita sér fyrir því,“ segir í tilkynningunni. 

Tengdar fréttir

Hvalveiðar

Veiting hvalveiðileyfis ekki brot á EES-samningi

• Gefur ekkert upp um leyfi til hvalveiða
• Telur tvískinnung í umræðu um hvalveiðar
• Bíður eftir gögnum áður en hún tekur ákvörðun
• „Tíminn er runninn út fyrir Kristján Loftsson“

» Fleiri tengdar fréttir

• Blogga um frétt