Sumarhátíð Veiðihornsins hefst í dag

Anna María Clausen og Ólafur Vigfússon á góðri stundu í …
Anna María Clausen og Ólafur Vigfússon á góðri stundu í Suðurhöfum. Í dag hefst veiðisumarið formlega hjá mörgum með Sumarhátíð Veiðihornsins. Ljósmynd Stuart Webb
Sumarhátíð Veiðihornsins hefst í dag. Dagskráin er fjölbreytt og fyrir marga veiðimenn er þessi árlegi viðburður raunverulegt upphaf sumars. Veiðihornið hefur fagnað nýju veiðisumri fyrstu helgina í júní í mörg ár.

„Nokkrir fastir liðir eru á sumarhátíð árlega en þar má helst telja,
kynningu á nýjum vörum, góð tilboð til viðskiptavina okkar og magnað
happdrætti auk þess sem við grillum "þjóðarréttinn", SS pylsur,“ sagði Ólafur Vigfússon í samtali við Sporðaköst.
Að vanda verður mikið um tilboð og eins og Ólafur sagði: „Við ætlum að gefa Sage
Spectrum C fluguhjól með öllum keyptum Sage flugustöngum, Redington
Behemoth fluguhjól með öllum keyptum Redington tvíhendum og  Veiðikortið
2020 verður einnig frítt með keyptum Redington fluguveiðipökkum svo
eitthvað sé nefnt.“

Árlega happdrættið er glæsilegt að vanda.  4 vinningar.  Þar á meðal
Sage X sem alla veiðimenn dreymir um að eignast að verðmæti 159.900 og
veiðijakki frá Simms en auk þess verður Redington Rise fluguhjól og Rio
flugulína í vinning.  Dregið verður á sunnudagskvöld og vinningshafar
kynntir á Facebook síðu Veiðihornsins á mánudag.

„Við kveikjum upp í grillinu og bjóðum pylsur og gos um hádegisbil.

Börkur Smári Kristinsson, vottaður FFI flugukastkennari verður með
tilsögn klukkan 12 á hádegi báða dagana og Villimennirnir, Elías Pétur
og Guðni Hrafn ætla að leiðbeina með fluguval um kl 13 báða dagana.

Við höfum haldið Sumarhátíð fyrstu helgi í júní í mörg
ár og margir farnir að spyrja nú hvort engin hátíð verði haldin í
kófinu.  Við höfum verið að fá nokkur hundruð heimsóknir á þennan
viðburð árlega sem markar í huga margra að stangveiðitímabilið sé
loksins hafið,“ sagði Ólafur að lokum.
Það gæti alveg verið bíltúrsins virði að kíkja í Veiðihornið í dag eða á morgun.
mbl.is

Seinustu hundraðkallar sumarsins

Lengd á laxi Veiðisvæði Veiðimaður Dagsetning Dags.
100 cm Blanda Tom Tynan 9. júlí 9.7.
105 cm Blanda Nigel Hawkins 8. júlí 8.7.
104 cm Svalbarðsá Viggó Júlíusson 6. júlí 6.7.
104 cm Nesveiðar Hugo 29. júní 29.6.
104 cm Nesveiðar Aron Pálmarsson 27. júní 27.6.
107 cm Nesveiðar Hilmar Hafsteinsson 25. júní 25.6.
101,5 cm Laxá í Kjós Guðjón Þ. Guðjónsson 23. júní 23.6.

Skoða meira