Við birtum reglulega veiðimyndir sem berast í veiðimyndasamkeppni Veiðihornsins, Árvakurs og Sporðakasta. Fyrri myndin að þessu sinni er hálfgerð felumynd en jafnframt skemmtileg. Myndasmiðurinn kallar þessa mynd „Tvö rándýr,“ enda sýnir hún tvö fim dýr sem bæði eru spennt yfir mögulegri veiði.
Myndin er tekin í Hölkná í sumar og er veiðimaðurinn Edward Dashwood að kasta á Geldingalækjarhyl. Myndina tók Guðmundur Guðlaugsson. Ef grannt er skoðað má sjá fálka sitja í bakkanum á móti veiðimanni. Erfitt er að greina fálkann við fyrstu athugun. En Guðmundur sendi okkur líka mynd af fálkanum.
Svo er mynd úr Laxá á Ásum. Hér er veiðimaðurinn Þór Sigmundsson í miklum áttökum við stórlax. Hann landaði þarna 84 sentímetra hrygnu er mikinn barning og eins og myndin ber með sér eru átökin mikil. Ljósmyndari er Guðrún Rannveig Stefánsdóttir
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |